وەزیری بەرگریی ئیسرائیل ڕایگەیاند سوپای وڵاتەکەی ئامادەیە بۆ ڕێگریکردن لە جوڵەی حیزبوڵڵا هەموو پردەکانی سەر ڕووباری لیتانی وێران بکات.
ئیسرائیل کاتس، وەزیری بەرگریی ئیسرائیل، ڕایگەیاند سوپای وڵاتەکەی ڕێگە نادات هێز و چەکەکانی حیزبوڵڵا بگەیەنرێنە باشووری ڕووباری لیتانی.
ناوبراو جەختی کردەوە سوپا فەرمانی پێدراوە خانووبەرەکانی دانیشتووان لە هێڵی پێشەوە وێران بکات و هەموو پردەکانی سەر ڕووباری لیتانی کە بەکاردێن بۆ چاڵاکییەکان، لەناوببرێت.
لە ماوەی ڕابردوودا، هێزەکانی ئیسرائیل بۆ ڕێگریکردن لە گواستنەوەی چەک چەند پردێکی سەر ئەم ڕووبارەیان کردووەتە ئامانج.
کاتس هەڕەشەی کردووە ئەگەر شەڕ بەردەوام بێت، حکوومەتی لوبنان «بەهایەکی زیادتر» دەدات.
هەواڵی پێشوو