سەرچاوە فەرمییەکانی ڕووسیا ڕایانگەیاند ئێران پێشوازی لە ڕۆڵی موسکۆ وەک نێوەندگیر بۆ کۆتاییهێنانی جەنگ دەکات.
ئاژانسی دەوڵەتیی ڕووسیا (تاس) بە پشتبەستن بە گوتەی کاظم جەلالی، باڵیۆزی ئێران لە موسکۆ، ڕایگەیاند تاران پێشوازی لە نێوەندگیریی ڕووسیا دەکات بۆ چارەسەرکردنی جەنگی ئێستا.
بەپێی ئەم ڕاپۆرتە، چەندین وڵات وەک ڕووسیا، عومان، قەتەر، تورکیا و چین ئامادەیی خۆیان بۆ نێوەندگیریی ڕاگەیاندووە.
ئەم وڵاتانە جەختیان کردووە بۆ کەمکردنەوەی گرژییەکان و ڕێگریکردن لە گەشەکردنی جەنگ و گەیشتن بە چارەسەری سیاسی پشتیوانی لە هەموو هەوڵێکی دیپلۆماسی دەکەن.
لە کاتێکدا ململانێیەکە چووەتە قۆناغێکی ئاڵۆزتر، هەوڵە نێوەندگیرانەکان وەک ڕێگایەکی گرنگ بۆ کۆنترۆڵکردنی قەیرانەکە دەبینرێن.
