دوانزە فڕۆکەی هێرشبەری جۆری “ئەی دە تەندەربۆڵت” گەیشتنە بنکەی ئاسمانی موفەق ئەلسەڵتی لە وڵاتی ئوردن. پێنتاگۆن بەم هەنگاوە توانای ئاسمانی خۆی لە ڕۆژهەڵاتی ناوەڕاست بەهێزتر دەکات تا بتوانێت ڕووبەڕووی هەر هەڕەشەیەکی ئەگەری ببێتەوە.
بە گەیشتنی ئەم فڕۆکانە، ئەمهریکا ژمارەی فڕۆکە جەنگییەکانی لە ناوچەکەدا بۆ دوو هێندە زیاد کردووە. ئەم گۆڕانکارییە سەربازییە گوشارەکان زیاتر دەکات و دەبێتە هۆی پاراستنی ئاسایشی ئاسمانی و بەرژەوەندییەکانی سەرجەم هاوپەیمانەکانی واشنتن.
ئەم فڕۆکانە پێشتر لە بەریتانیا جێگیر کرابوون و دوای بڕینی زەریای ئەتڵەسی گەیشتنە ئوردن. ماڵپەڕی ماتا ئاماژەی بەوە کردووە کە فڕۆکەکان لە ڕێگادا، لە ڕێگەی تانکەرە ئاسمانییەکانەوە سووتەمەنی پێویستیان بۆ گەشتەکەیان دابین کراوە.