لە ڕاپۆرتێکی ستراتیژیی نوێدا هۆشداری دا کە هەر ملمەلانییەک نێوان ئەمریکا و چین لەسەر تایوان، مەترسی گەیشتن بە قۆناغی بەکارهێنانی چەکی ناوکی هەیە، چونکە هەردوو لایەن ڕەنگە هێرشە گەورەکان ئاراستەی ناوەندەکانی فەرماندەیی و پەیوەندییە سەربازییەکانی یەکتری بکەن.
ئەو ڕاپۆرتەی کە پێش بەڕێوەچوونی کۆبوونەوەی سالانەی بەرگریی Shangri-La Dialogue بڵاو کراوەتەوە، ئاماژەی بەوە دا کە جیهان لەسەر دەروازەی “ڕکابەرییەکی نوێی چەکی ناوکی” وەستاوە و ناوچەی ئاسیا-پاسیفیک بووەتە ناوەندی ئەو ملمەلانییە.
بەپێی هەڵسەنگاندنی IISS، وڵاتانی ناوچەکە و ئەو دەوڵەتانەی بەرژەوەندیی ستراتیژییان هەیە، خەریکی فراوانکردنی چەکی ناوکی خۆیانن، لەکاتێکدا وڵاتانی بێ چەکی ناوکی هەوڵی پەرەپێدانی مووشەکی دوورمەودا و توانای هێرشی ئاسایی دەدەن، کە ئەمەش هەڕەشەیە بۆ سەقامگیریی ستراتیژی.
تا ئێستا، هیچ وەڵامێکی فەرمی لەلایەن واشنگتن یان بەیجینگەوە دەربارەی ئەو ڕاپۆرتە نەدراوە.
چاوەڕوان دەکرێت بابەتەکانی تایوان، شەڕی ئێران و نائاشکرایی لەسەر پابەندییەکانی ئەمریکا بە ئاسیا، لە گرنگترین باسەکانی کۆبوونەوەی Shangri-La Dialogue بن.