لە شاری گاتلێنبێرگی ویلایەتی تێنیسی ئەمەریکا، خاوەنی هۆتێلێک پەیوەندی بە ژمارەی فریاکەوتنی (911)ی پۆلیسەوە دەکات و ڕادەگەیەنێت کە کەسێک لەناو حەمامێکدا گیری خواردووە.
هێزەکانی پۆلیس بەپەلە دەگەنە شوێنی ڕووداوەکە و هەوڵی کردنەوەی دەرگاکە دەدەن، بەڵام لە ناکاو دەرگاکە دەکرێتەوە و ورچێک لەناو حەمامەکە دێتە دەرەوە، پاشان بە ئارامی و بەبێ دروستکردنی هیچ کێشەیەک لەوێ دەڕوات.
ئەم ڕووداوە کتوپڕە بووەتە جێگەی سەرنجی چالاکوانانی تۆڕە کۆمەڵایەتییەکان و بە پێکەنینەوە باسی دەکەن، بەتایبەت کاتێک بەراوردی نێوان پێشبینییەکان (کە چاوەڕوان دەکرا مرۆڤێک بێت) و ئەوەی لە واقیعدا دەرچوو، دەکەن. کەچی لە کۆتاییدا دەرکەوت ورچەکە تەنیا ویستوویەتی پشوویەک بدات.