کۆمپانیای ئەپڵ (Apple) بە فەرمی داوایەکی یاسایی گەورە و شۆکهێنەری لە دادگای فیدراڵی کالیفۆرنیا لە دژی کۆمپانیای OpenAI تۆمارکرد بە تۆمەتی دزینی سیستم نهێنییە بازرگانی و تەکنەلۆژییەکانی لە بواری بەرهەمهێنانی ڕەقەواڵەدا (Hardware). بەپێی ڕاپۆرتێکی پێگەی تێک کڕانچ، ئەم سکاڵایە گەورەترین دزینی بەهرەمەند و زانیارییەکانی مێژووی ئەپڵ نیشان دەدات، چونکە زیاتر لە 400 کارمەندی پێشووی ئەپڵ ئێستا لە OpenAI کار دەکەن. ئەپڵ ڕایگەیاندووە کە بزنسی نوێی ڕەقەواڵەی OpenAI لەسەر بنەمایەکی ڕزیو و دزراو دروستکراوە.
سکاڵاکە بە دیاریکراوی ناوی تانگ تان (Tang Tan)، بەڕێوەبەری پێشووی دیزاینی ئایفۆن و کاتژمێری ئەپڵ کە ئێستا سەرۆکی بەشی ڕەقەواڵەی OpenAIـیە، لەگەڵ ئەندازیارێکی تری پێشوو بە ناوی چانگ لیو (Chang Liu) هێناوە. ئەپڵ ئەوان تۆمەتبار دەکات بەوەی کە لە کاتی چاوپێکەوتنی کاردا داوایان لە کارمەندەکان کردووە زانیاری و پارچەی نهێنی بەرهەمە بڵاونەکراوەکانی ئەپڵ لەگەڵ خۆیان بهێنن، تەنانەت چانگ لیو دوای جێهێشتنی کۆمپانیاکە لاپتۆپەکەی ئەپڵی گەڕاندووەتەوە بەڵام پێشتر زیاتر لە 1,000 لاپەڕە لە فایلە ئەندازیارییە نھێنییەکانی دابەزاندووە بۆ ئەوەی OpenAI لە دروستکردنی مۆبایل و ئامێری نوێی ژیریی دەستکرددا سوودی لێ وەرگرێت.