ڕێکخراوی تەندروستیی جیهانی داوای بەهێزکردنی ئامادەکارییەکان دەکات بۆ ڕووبەڕووبوونەوەی مەترسییەکانی گەرما، لە کاتێکدا عێراق ئامادەکاری دەکات بۆ پێشوازیکردن لە مەڕاسیمی چلەی ئیمام حوسێن.
ڕێکخراوەکە لە ڕاگەیەندراوێکدا ئاماژەی بەوە کردووە، پێشبینی دەکرێت مەڕاسیمی چلەی ئیمام حوسێن ئەمساڵ هاوكات بێت لەگەڵ بەرزترین پلەکانی گەرما، بە شێوەیەک لە کاتەکانی ڕۆژدا پلەی گەرما بگاتە نزیکەی 45 پلەی سیلیزی و لە شەوانیشدا لە 30 پلە کەمتەر نەبێتەوە.
تەندروستیی جیهانی ڕوونیکردووەتەوە، زۆرتر لە 22 ملیۆن سەردانکەر بەپێ ڕێگەیەک بڕن، ئەمەش مەترسیی تووشبوون بە نەخۆشییەکانی پەیوەست بە گەرمای توند زیاتر دەکات. هەروەها دەستنیشانی کردووە کە 10 پارێزگا لە کۆی 18 پارێزگای عێراق (لە نێویاندا کەربەلا، نەجەف و بابلیش) کەوتوونەتە خانەی مەترسیی بەرزەوە.
جەمیلە ڕاعیبی، نوێنەری ڕێکخراوی تەندروستیی جیهانی لە عێراق ڕایگەیاند: “پاراستنی تەندروستیی سەردانکەران بەرپرسیارێتییەکی هاوبەشە”، و داوای لە لایەنە پەیوەندیدارەکان کرد کە وێستگەی ئاوی خواردنەوەی خاوێن و شوێنی حەوانەوەی سێبەردار و خزمەتگوزاری پزیشکی بەپەلە دابین بکەن.
ڕێنماییە تەندروستییەکان بۆ سەردانکەران:
• بە بەردەوامی ئاو بپۆشە و مەوەستە تا هەست بە تینوێتی دەکەیت.
• بەبەردەوامی لە شوێنی سێبەر و سارددا بپشوو، تەنانەت لە شەوانیشدا.
• جلوبەرگی سووک و فرەوان بپۆشە بۆ خۆپاراستن لە تیشکی ڕاستەوخۆی خۆر.
• ئاگاداری بەساڵاچووان، منداڵان، ژنانی دووگیان و نەخۆشە درێژخایەنەکان بە.
• ئەگەر نەخۆشی درێژخایەنت هەیە، دەرمانەکانت بە بەردەوامی بخۆ و بڕی پێویستی لەگەڵ خۆت بپێچەرەوە.
• لە هەبوونی نیشانەکانی وەکو گێژبوون، تێکچوونی هۆش یان بێهۆشبوون، دەستبەجێ سەردانی بنکە تەندروستییەکان بکە.