مارک زوکەربێرگ بەڕێوەبەری جێبەجێکاری کۆمپانیای مێتا رایگەیاند کە پێشبینی دەکات لە ماوەی پێنج ساڵی داهاتوودا ملیاران کەس لەسەرانسەری جیهاندا خاوەنی بریکاری ژیریی دەستکردی کەسی (Personal AI Agents) بن. بە بڕوای زوکەربێرگ ئەم ئامرازە زیرەکانە دەبنە بەشێکی سەرەکی لە ژیانی ڕۆژانەی خەڵک و هاوکارییان دەکەن لە بەڕێوەبردنی کارەکان و کڕین و پێوەندییە کۆمەڵایەتییەکانیاندا.
ئەم لێدوانەی زوکەربێرگ لە کاتێکدایە کە کۆمپانیای مێتا بە سەرمایەیەکی خەیاڵییەوە وەبەرهێنان لە بواری ژیریی دەستکرد و پەرەپێدانی مۆدێلە پێشكەوتووەکاندا دەکات تاوەکو بتوانێت ئەم تەکنەلۆژیایە بە بێبەرامبەر یان بە تێچوویەکی کەم بخاتە بەردەست بەکارهێنەرانی فەیسبووک و ئینستاگرام و واتسئەپ.