سەرۆکی ئەنجومەنی باڵای دادوەریی عێراق، فایەق زێدان، ئەمڕۆ لەگەڵ سەرۆک کۆماری تورکیا، ڕەجەب تەیب ئەردۆغان، هاوکارییە ئەرێنییەکانی نێوان هەردوو وڵاتی لە بوارەکانی دادوەری و یاساییدا خستە بەر باس.
گرنگترین تەوەرەکانی دیدارەکە:
پەرەپێدانی پەیوەندییە یاسایییەکان: بەپێی ڕاگەیەندراوێکی ڕاگەیاندنی دادوەریی عێراق، لە کۆبوونەوەی نێوان دادوەر فایەق زێدان و ڕەجەب تەیب ئەردۆغاندا جەخت لەسەر گرنگیی بەهێزکردنی هاوکاریی دوو قۆڵیی نێوان عێراق و تورکیا کراوەتەوە.
بەهێزکردنی ئالیەتەکانی هاوکاری: لە دیدارەکەدا تاوتوێی میکانیزمەکانی پێشخستنی هاوکاری و ڕێکخستنی پەیوەندییەکانی نێوان دامەزراوە دادوەرییەکانی هەردوو وڵات کراوە بە مەبەستی بەرەوپێشبردنی ئاستی ئاڵوگۆڕی یاسایی و دادوەری.