ئەڤرۆ چارشەمبى، پشتی رێڤەبەريا گشتی یا کاروبارێن مینا ل پارێزگەھا دھوكێ هاتيه ئاگەهدارکرن لسەر هەبوونا مەترسیا تەقەمەنیان ل گوندێ پەرەخێ سەر ب قەزا باتیفاڤە یێن گرێدای ب ئیدارا سەربەخویا زاخو ل نێزیکی رەزو باخێن هاوەلاتیان، تیمێن ژناڤبرنا مین و تەقەمەنیان (EOD) ب هەڤکاری دگەل پاسەوانێن سنوری گەهشتنە جهێ دیارکری.
رێڤەبەريا گشتی یا کاروبارێن مینا ل پارێزگەھا دھوكێ ڕادگەهینیت کۆ، دوو بۆمبێن چاندى (کەرەستەیێن تەقینەر) هاتنە پوچەڵکرن، و پاشان بەرمایکێن وان ژلایێ تیما تایبەندمەندڤە هاتنە ڤەگوهاستن بو جهەکێ ئارام دا کو بهێنە ژناڤبرن.
رێڤەبەریا گشتی یا کاروبارێن مینا ل دهۆکێ داخواز دکەت کۆ ل دەمێ دیتنا هەر کەرەستەیەکێ گومانلێکری یان تەقەمەنیەکێ، ژ بۆ پاراستنا گیانێ خۆ و دەورۆبەرێن خۆ پەیوندیێ ب هێلا گەرما بێبەرامبەر 182 بکەن.