بەڕێوەبەرایەتی گشتی کەشوهەوا و بوومەلەرزەزانی هەرێمی کوردستان پێشبینییەکانی کەشوهەوای بۆ ئەمرۆ ڕاگەیاند، کە تێیدا هاتووە پلەکانی گەرما بەشێوەیەکی بەرچاو و بە ڕێژەی (٥ بۆ ٦) پلەی سیلیزی بەراورد بە ڕۆژانی ڕابردوو دادەبەزن.
بەپێی ڕاپۆرتی کەشوهەوا، ئاسمانی هەرێم لەنێوان پەڵەهەور و نیمچە هەوردا دەبێت، بەڵام لە کاتەکانی شەودا ئاسمان دەگۆڕێت بۆ هەوری تەواو، بەتایبەتی لە ناوچە شاخاوییەکاندا.
خێرایی با لەسەرخۆ بۆ مامناوەند دەبێت و لەنێوان (١٠ بۆ ٢٠) کم/ک کاتژمێرێکدا دەبێت، و ئاراستەکەشی بەرەو باکووری خۆرئاوا دەبێت. هاوکات مەودای بینین لەنێوان (٨ بۆ ١٠) کم دەبێت و دۆخی بینین جێگیرە.
بەرزترین پلەکانی گەرمای پێشبینیکراو لە شار و شارۆچکەکانی هەرێم:
- هەولێر: ٣١ پلەی سیلیزی
- سلێمانی: ٣٠ پلەی سیلیزی
- دهۆک: ٣٠ پلەی سیلیزی
- هەڵەبجە: ٣٢ پلەی سیلیزی
- گەرمیان: ٣٥ پلەی سیلیزی (بەرزترین پلە)
- حاجی ئۆمەران: ٢٢ پلەی سیلیزی (نزمترین پلە)
- پیرمام: ٢٧ پلەی سیلیزی
- چەمچەماڵ: ٣١ پلەی سیلیزی
- زاخۆ: ٣٠ پلەی سیلیزی
- ئاکرێ: ٢٩ پلەی سیلیزی