وەفدێکی باڵای هەرێمی کوردستان بە سەرۆکایەتی بەڕێز ڕێبەر ئەحمەد وەزیری ناوخۆی هەرێمی کوردستان بۆ بەشداریکردن لە کۆنفرانسی کۆچ لە ڤیەننایە. وەزیری ناوخۆ لەگەڵ بەڕێز مازن عەبدوڵڵا، وەزیری ناوخۆی شانشینی ئوردنی هاشمی کۆبووەوە.
لە کۆبوونەوەکەدا، هەردوولا تیشکیان خستە سەر پەیوەندیی دۆستانە و مێژوویی نێوان هەرێمی کوردستان و شانشینی ئوردن. هاوکات، گفتوگۆ کرا دەربارەی چۆنیەتیی پەرەپێدانی زیاتری پەیوەندییە دووقۆڵییەکان و ئاڵوگۆڕکردنی ئەزموون و شارەزاییەکان لە بوارە جیاجیاکاندا.



