لە سنووری بەڕێوەبەرایەتیی شارەوانیی سێ سەر بە سەرۆکایەتیی شارەوانیی هەولێر، پڕۆژەیەکی تایبەت بە ئاوەڕۆ و ڕێڕەوە ئاوییەکان لە هەولێری نوێ جێبەجێ دەکرێت.
بەپێی کارەکانی پڕۆژەکە، ئاوەڕۆیەکی لوولەیی لە ناوچەکەدا دادەنرێت و هاوکات کار بۆ کردنەوە و فراوانکردنی ڕێڕەوە ئاوییەکان دەکرێت.
ئامانجی سەرەکی لە جێبەجێکردنی ئەم پڕۆژەیە، پێشگرتنە لە کۆبوونەوەی ئاوی زیادەی باران و ڕێگریکردنە لە دروستبوونی لافاو لەو سنوورەدا.

