بەڕێوەبەرایەتی گشتیی ڕێگەو بان و ئاوەدانکردنەوە و نیشتەجێکردنی ڕاپەڕین ڕایدەگەیەنێت، سبەی ڕێگەی دۆڵی بالیسان لە سێڕیانی زینەتیر تاکو شکارتە دادەخرێت.
یەکشەممە 7ـی تەممووزی 2024، بەڕێوەبەرایەتی گشتیی ڕێگەو بان و ئاوەدانکردنەوە و نیشتەجێکردنی ڕاپەڕین ئاشکرای کردووە، لە بەیانیەوە ڕۆژی دووشەممە 8ـی تەممووزی 2024، ڕێگای دۆڵی بالیسان لە سێڕیانی زینەتیر تاکو شکارتە بە ڕووی شۆفێراندا بەهۆی کاری قیرتاوکردن و فەرشکردنی چینی ستابلایزەر دادەخرێت.
ڕایدەگەیەنێت، ئەو هاوڵاتیانەی بە نیازی گەشتکردنن بۆ دەڤەری سۆران، دەتوانن ڕێگەی بەدیلی زینی وەرتی بەکار بێنن، بۆ پارێزگای هەولێر و دهۆکیش دەتوانن ڕێگەی بەدیلی هیران – نازەنین یاخود ڕێگەی سماقوڵی بەکار بێنن.