کاتێک باس لە کۆلسیتڕۆڵ دەکرێت خەڵک وابیردەکەنەوە هەموو چەورییەکی خوێن زیانبەخشە، بەڵام لە ڕاستیدا وانییە چونکە کۆلیستڕۆڵی خراپ و باشیش لە خوێندا هەیە، بەرزبونەوەی ڕێژەی کۆلیستڕۆڵی خراپ هۆکارە بۆ توشبوون بە نەخۆشیەکانی دڵ.
ئەم پێنج خواردنە تەندروستن بەڵام لەوانەیە ببنە هۆی بەرزبونەوەی ڕێژەی کۆلسیتڕۆڵ:
-هێلکە
سەرچاوەیەکی دەوڵەمەندی پڕۆتینەکانە، هەستی تێربوون بۆماوەیەکی درێژ زیاددەکات، لەگەڵ ئەوەشدا ڕێژەیەکی زۆر کۆلیستڕۆڵی تێدایە، خواردنی بەڕێژەیەکی گەنجاو مەترسی نییە بەڵام زیادەڕەویکردن لە خواردنیدا دەبێتە هۆی بەرزبونەوەی ڕێژەی کۆلسیتڕۆڵ.
-ڕۆبیان
ئەو کەسانەی کێشیان دادەبەزێنن ڕێنمایی دەکرێن ڕۆبیان بخۆن، چونکە چەوری کەمە، لەگەڵ ئەوەشدا ڕێژەیەکی زۆر کۆلیستڕۆڵی تێدایە.
-سەردین
سەردین جۆرێکە لە ماسییە چەورەکان، سەرچاوەیەکی سەرەکی ئۆمێگا3یە، پێویستە زیادەڕەوی لە خواردنیدا نەکرێت.
-پەنیر
پەنیری پڕ چەوری سەرچاوەیەکی سەرەکی پڕۆتین، کانزا و ڤیتامینەکانە، زانایان ڕێنمایی دەدەن دەربارەی ئەوەی ڕیژەیەکی گونجاوی لێبخورێت بۆئەوەی نەبێتە هۆی زیادبوونی کێش و بەرزوبەنوەی ڕێژەی کۆلیستڕۆڵ.
-ماستی پڕ چەوری
ماستی پڕ چەوری ڕێژەیەکی زۆر کۆلیستڕۆڵ، پڕۆتین، کانزا و ڤیتامینەکانی تێدایە، زیادەڕەویکردن لە خواردنی ئەو جۆرە ماستەدا لەوانەیە ببێتە هۆی زیادبوونی کێش و بەرزبونەوەی ڕێژەی کۆلسیتڕۆڵ.