وەزیری نەوتی عێراق دوای گەڕانەوەی بۆ عێراق و کۆتاییهاتنی سەردانەکەی بۆ ئەمەریکا، بڕیارە سەردانی هەرێمی کوردستان بکات.
بڕیار وایە لە هەفتەی داهاتوودا حەیان عەبدولغەنی وەزیری نەوتی عێراق سەردانی هەرێمی کوردستان بکات و چەندین کۆبوونەوە بکات.
ئامانج لە سەردانەکەی وەزیری نەوتی عێراق بۆ هەرێمی کوردستان ئەوەیە کە لەگەڵ بەرپرسانی هەرێم لەبارەی هەنگاوەکانی هەناردەکردنەوەی نەوتی هەرێم گفتوگۆ بکەن و رێگەچارەیەک بۆ ئەم پرسە بدۆزنەوە.
ئیستا ئەوەی لەوبەر هەناردەکردنەوەی نەوتی هەرێم رێگرە ، تێچووی بەرهەمهێنان و گواستنەوەیە کە تائیستا حکومەتی عێراق و کۆمۆپانیاکان لەبارەیەوە رێکنەکەوتوون.
پێشتریش ئەپیکور لە جەندین رێگەوە داوای لە ئەمەریکا کردبوو بۆ دەستپێکردنەوەی هەناردەی نەوتی هەرێم فشار بۆ عێراق بهێنێت و لەبەر ئەمە چاوەڕوان دەکرێت وەزیری نەوتی عێراق دوای سەردانەکەی بۆ ئەمەریکا، هەنگاوی جدی تر بۆ ئەم پرسە بگرێتەبەر