لە یارییەکانی هەفتەی دەیەمی خولی ئیتاڵیا، یانەی ئینتەر میلان لە دەرەوەی یاریگای خۆی ڕووبەڕووی یانەی ئیمپۆلی بوویەوە.
لە ئەنجامدا ئینتەری میوان توانی بە سێ گۆڵی بێبەرامبەر شکست بە خاوەن یاریگا و هاندەر بهێنێت.
لە تایمی یەکەمدا و هەردوو یانە دەستیانکرد بە هەوڵەکانیان بۆ تۆمارکردنی گۆڵ، هەروەها ناوبژیوانی یارییەکە لە خولەکی 31دا سابای یاریزانی ئیمپۆلی بە کارتی سوور کردە دەرەوەی یاریگا و ئەو تایمەش بەبێ تۆمارکردنی هیچ گۆڵێک مایەوە.
لە تایمی دووەمدا، یانەی ئینتەر باشتر گەڕانەوە و توانیان سوود لە کارتە سوورە وەرگرن و سێ گۆڵیان لە خولەکەکانی 50، 67 و 79 لە ڕێگەی یاریزانان فراتیسی دوو گۆڵ و لاوتارۆ مارتینێز تۆماربکەن.
بەم سەرکەوتنە، ئینتەر میلان بە کۆکردنەوەی 21 خاڵ لە پلەی دووەمی ڕیزبەندی دێت، ئیمپۆلیش لە پلەی 11 دایە بە کۆکردنەوەی 11 خاڵ.