ئەمشەو، 30.8.2036 لەسەر قەڵاتی مێژوویی هەولێر، بە ئامادەبوونی نوێنەری سه‌رۆکی ھەرێمی كوردستان، نوێنەری سەرۆکی حکوومەتی هەرێمی کوردستان، پارێزگاری هەولێر، مەراسیمی ماڵئاوایی کونسڵی یەکێتیی ئەوروپا و دەستبەکاربوونی کونسڵی نوێی یەکێتیی ئەوروپا بەڕێوەچوو.
لە مەراسیمەکەدا، کە بە ئامادەبوونی باڵوێزی یەکێتیی ئەوروپا لە عێراق و ژمارەیەک لە وەزیر و بەرپرس و دیپلۆمات و نوێنەری حێزبەکان و رێکخراوەکان و پیاوانی ئاینی و میوانی تایبەت ئەنجامدرا، جەخت لە گرنگی پەرەپێدانی پەیوەندییەکان و هاوکارییەکان لەنێوان هەرێمی کوردستان و یەکێتیی ئەوروپا کرایەوە.
لەو بۆنەیەدا، سوپاسی کونسڵی پێشوو کرا بۆ هەموو ئەو هەوڵ و کارە دیپلۆماسییانەی لە ماوەی ئەرکەکەیدا بۆ بەهێزکردنی پەیوەندییەکان و هاوکارییەکان خستبوویەگەڕ، هەروەها بەخێرهاتنی کونسڵی نوێ کراو هیواخواز بوون کە قۆناغی نوێ ببێتە دەرفەتێکی زیاتر بۆ پەرەپێدان و بەهێزکردنی پەیوەندییە نێودەوڵەتییەکان.