لە درێژەی یارییەکانی جامی کاراباو، یانەی برایتون میوانداری لیڤەرپوولی کرد.
لە ئەنجامدا لیڤەرپوول توانی یارییەکە بە سێ گۆڵ بەرامبەر بە دوو گۆڵ شکست بە برایتون بهێنێت.
لە تایمی یەکەم هەرچەندە کۆنتڕۆڵی تۆپ زیاتر لای لیڤەر بوو، بەڵام دوای چەندین هەوڵی هەردوو یانە بۆ سەر گۆڵی یەکتر ئەو تایمە بەبێ هیچ گۆڵێک تەواوبوو.
لەگەڵ دەستپێکی تایمی دووەمدا و لە خولەکی 46 یاریزان گاپکۆ گۆڵی یەکەمی تۆمارکرد، لە خولەکی 63دا هەمان یاریزان جارێکی تر توانی تۆڕی گۆڵی یانەی برایتون بهەژێنێت،
دوای ئەوە هەردوو یانە چەندین گۆڕانکاریان ئەنجامدا،
ئەوەبوو لویس دیاز گۆڵێکی تری بۆ لیڤەر تۆمارکرد و برایتونیش دوو گۆڵ لەڕێگەی یاریزانان سیمۆن و تاریق لە خولەکەکانی 81 و 90 تۆمارکرد.
بەم سەرکەوتنە، یانەی لیڤەرپوول گەیشتە قۆناغی داهاتوو و برایتونیش ماڵئاوایکرد.