بەردەوام باس لە سوودەکانی خواردنەوەی شیر دەکرێت، لەگەڵ ئەوەشدا خواردنەوەی کوپێک شیری گەرم پێش نوستن چەندین سوودی گرنگ بە جەستە دەگەیەنێت، چونکە پێکهاتەکانی تربتۆفان و میلاتۆنینی تێدایە.
شیر بەیەکێک لە باشترین خواردنەوەکان بۆ گەورە و بچووک دادەنرێت، دەوڵەمەندە بە ڤیتامین و کانزا سوودبەخشەکان، ڕێگری توشبوون بەچەندین نەخۆشی دەکات و ئێسکەکان بەهێزدەکات، لەگەڵ ئەوەشدا خواردنەوەی کوپێک شیری گەرم پێش نوستن ئەم سوودانە بەجەستە دەگەیەنێت:
-یارمەتی باشترکردنی خەو و حەوانەوەی جەستە دەدات.
-پلەی گەرمی جەستە ڕێکدەخات و یارمەتی خەوێکی هێمن و قوڵ دەدات.
-یارمەتی کەمکردنەوەی کێشەکانی خەو، دوودڵی و دڵەڕاوکێ دەدات کە هۆکارن بۆ خەوزڕان.
-ماسولکەکان هێوردەکاتەوە و جەستە بەئارامی دەهێڵێتەوە.
-یارمەتی ڕێکخستنی کاتەکانی نوستن و لەخەو هەستان دەدات.