محەممەد شیاع سوودانی، سەرۆک وەزیرانی عێراق، بانگهێشتی فەرمی لە شا سەلمان بن عەبدولعەزیز ئال سعوود، پێگەیشت، بۆ بەشداریکردن لە لوتکەی عەرەبی ئیسلامی کە لە ڕیاز سەبارەت بە پێشهاتەکانی دۆخی غەززە و لوبنان بەڕێوە دەچێت.
بەپێی ڕاگەیەندراوی نووسینگەی ڕاگەیاندنی سەرۆک وەزیرانی عێراق لە بەیاننامەیەکدا ڕایگەیاند، “عەبدولعەزیز ئەلشەمەری، بالیۆزی سعوودیە لە بەغدا، بانگهێشتنامەکەی گەیاندووەتە سوودانی”.
لە میانی دیدارەکەدا، بەگوێرەی ڕاگەیەندراوەکە، پەیوەندییە دووقۆڵییەکان و ڕێگاکانی پەرەپێدانیان لە بوارە جیاجیاکانی سیاسی و ئابووریدا تاوتوێ دەکرێت، جەختیش لەسەر هەماهەنگی هەڵوێستەکان و ڕووبەڕووبوونەوەی ئاستەنگەکانی ئێستا کرایەوە، بە شێوەیەک کە سوودی هەبێت بۆ بەرژەوەندی هەردوو گەلی برا.
ئا:ج
هەواڵی پێشوو