لیژنه‌ی ئاسایش و به‌رگریئ په‌رله‌مانی عێراق، ئه‌مه‌ریكا و هاوپه‌یمانی نێوده‌وڵه‌تی به‌رانبه‌ر هه‌ر هه‌ڕه‌شه‌یه‌كی ئیسرائیل به به‌رپرسیار ده‌زانێت.
یاسر ئه‌سكه‌نده‌ر له‌لیژنه‌ی ئاسایشی په‌رله‌مان له‌م باره‌یه‌وه ئاماژه‌ی به‌وه‌كردووه، هەڕەشەکانی ئیسرائیل بۆ بەئامانجگرتنی بەغدا، دەستدرێژییەکی دیکەیە، به‌جۆرێك ئاسمانی عێراق لەلایەن هاوپەیمانی نێودەوڵەتییەوە پارێزراوە و ده‌بێت به‌رپرسیاریەتیی هەر هێرشێکیش لە ئەستۆ بگرێت.
ئه‌سكه‌نده‌ر جەختیشی لەوە کردووەته‌وه، به‌گوێره‌ی ڕێككه‌وتنی ستراتیژی، ئەمه‌ریکا پابەندكراوه پشتیوانی بەغدا بکات و ئاسایش و به‌رژه‌وه‌ندییه‌كانی وڵات بپارێزێت.
ئەم پەرلەمانتارە دەڵێت: له‌حاڵه‌تی بێده‌نگیی هاوپه‌یمانی نێوده‌وڵه‌تی له هێرشی ئیسرائیل په‌یامێكی نه‌رێنیی ده‌بێت و په‌یوه‌ندییه دووقۆڵییه‌كان تێكده‌دات، چونكه به‌لای عێراقییه‌كانه‌وه سه‌روه‌ری وڵات هێڵی سووره و گشت ئه‌و هه‌نگاوانه‌ی بۆ پاراستنی گونجاو ده‌گیرێنه‌به‌ر.
هەواڵی پێشوو