سبەی لە یاریەکانی خولی ئەستێرەکانی عێراق هەفتەی 13 یانەی دهۆک لەنێو یاریگای کەربەلا دەبێتە میوانی یانەی کەربەلا.
دهۆک لەم یاریەدا پێویستی زۆری بە بردنەوە هەیە تاکو نزیکتر بێتەوە لە ڕکابەرانی پێشەوەی ڕیزبەندیەکە،ئێستا دهۆک 18 خاڵی هەیە و لە پلەی 7ی خولەکەدایە.
هەرچی یانەی کەربەلایە ئەم وەرزە هەڵبەز و دابەزی هەبووە لە ئاستیدا و لەم یاریەدا دەیەوێت سوود لە خاک و جەماوەر وەربگرێ و بردنەوە دەستەبەر بکات،کەربەلا 15 خاڵی هەیە و پلەی 14ی خولەکەی داگیر کردوە.