بارسێلۆنا سروشتی پێکانەکەی ئاشکرا کرد کە مارک کاسادۆی ئەستێرەی یانەکەی لە کاتی بردنەوەی لە لالیگا بە ئەنجامی 4-2 لە ئەتلەتیکۆ مەدرید تووشی بووە.
بارسێلۆنا لە بەیاننامەیەکی فەرمیدا ڕایگەیاند: ئەو پشکنینانەی ئەم بەیانییە ئەنجامدراون دەریانخستووە کە کاسادۆ تووشی پێکان بووە لە ئەژنۆی ڕاستیدا.
لە درێژەی بەیاننامەکەدا هاتووە، “کاسادۆ پشکنینی زیاتری بۆ دەکرێت بۆ دیاریکردنی ڕادەی برینەکە و چارەسەری گونجاو”.
ڕۆژنامەی سپۆرتی ئیسپانی بڵاویکردووەتەوە، ئەگەری هەیە ئامادەنەبوونی کازادۆ بۆ زیاتر لە دوو مانگ درێژببێتەوە و بەشێوەیەکی کاریگەر کۆتایی بە وەرزەکەی لەگەڵ بەرشەلۆنە بهێنرێت.
ڕۆژنامەکە ئاماژەی بەوە کردووە کە کاسادۆ تووشی دڕانی بەستەری ئەژنۆی بووە و ماوەی نەبوونی لە یاریگاکە بەندە بەوەوە کە ئایا دڕانەکە تەواو بووە یان بەشێکە.