ئەمشەو شەممە، 2025.9.20، ئومێد خۆشناو، پارێزگارى هەولێر، بە یاوەری مەسعود کاڕەش، جێگری پارێزگار، کارەکانی پڕۆژەی نۆژەنکردنەوەی یاریگای نێودەوڵەتی شەهید ” فەرەنسۆ هەریری” بەسەرکردەوە ، کە بە گوژمەی ( 1 ملیار و 830 ملیۆن دینار ) لە سەر بودجەی پارێزگای هەولێر، دەست بە نۆژەنکردنەوەی کراوە.
لە بەسەر کردنەوەکەیدا، لە نزیکەوە لە چۆنیەتی کاروبارەکانی کۆڵییەوە و دەستخۆشی لە سەرپەرشتیار و ئەندازیارانی پڕۆژەکە کرد و جەختی لە تەواکردنی پڕۆژەکە لە ماوەی دیاریکراوی خۆی کردەوە.
جێگەى باسە، یاریگای “شەهید فەڕەنسۆ ھەریری” یاریگایەکی نێودەوڵەتی یانەی ھەولێرە و لە ساڵی 1956 لەگەڵ دروستبوونی یانەی ھەولێر دروستکراوە و لەکۆتای ساڵی 2001 بەناوى شەهید “فەڕەنسۆ ھەریری” کراوە، لە ساڵی 2009 بۆتە یاریگایەکی نێودەوڵەتی، لە ئێستاشدا ئەو یاریگایە بۆتە بەشێكی دیار و بەرچاوە لە مێژووی شارى هەولێر.