د. نەغەم نەوزەت حەسەن، بەربژارا ژمارە 47 یا پارتی دیموکراتی کوردستان بۆ جڤاتا نوینەرێن عیراقێ، گڤاشتنێ ل سەر چاکسازیێ د کەرتی ساخلەمیێ و کشتوکالێ و ب دووماهی ئینانێ ب گەندەلیێ دکەت، لگەل بەڵێندانێ بۆ چارەسەرکرنا ئاریشەیێن ئاکنجیبوونێ و دامەزراندنا دەرچوویان.”
د. نەغەم نەوزەت حەسەن (بەربژاڕا ژمارە 47 ل سەر لیستا 275 یا پارتی دیموکراتی کوردستان بۆ جڤاتا نوێنەرێن عیراقێ ل بازنێ نەینەوا) تایبەت بۆ (ئاژانسا نووچەیا زاگرۆس) ڕاگەهاند، پابەندبوونێ نیشان ددەت کو کار ل سەر هەموارکرن و بجهئینانا تەمام یا یاسایا قەرەبوویا ڕزگاربوویێن ئێزیدی و پێکهاتەیێن دی بکەت، وەکی قەرەبوویەکا سەرەکی بۆ قوربانیێن دەستێ داعشێ.”
نەغەم نەوزەت ئاماژە ب وێ کر کو تەرکیزەکا مەزن ل سەر ئاڤاکرنەوەیا بپەلە یا شنگال و دەشتا نەینەوا دێ بیت. هەر وەسا، پشتەڤانییا تەمام یا جووتیاران دکەت ب ڕێکا دابینکرنا پێدڤیێن کشتوکالی ب بهایێن پشتەڤانیکری و وەرگرتنا بەرهەمێن وان ب بهایەکێ گونجای، لگەل قەرەبووکرنا زیانێن هشکەسالیێ.”
بەربژارا پ.د.ک دووپاتکر کو گڤاشتنێ ل سەر ب دووماهی ئینانا گەندەلیا دارایی و کارگێری و چاڤدێریا دامەزراوەیێن حکومی دکەت. و د بوارێ ساخلەمیێ دا، پلانا دروستکرنا ناڤەند و نەخۆشخانەیێن نوی و تایبەت ل گوند و ناحیان پێشکێش دکەت.و داخوازیێ کر کو ب زووترین دەم دەرچووان ل سەر بنەمایێ شیان و دادپەروەریێ بهێنە دامەزراندن، لگەل ڤەکرنا ناڤەندێن ڕاهێنانا پیشەیی بۆ گەنجێن بێ کار و تەرخانکرنا پشکەکا دامەزراندنێ بۆ پێکهاتەیان.”
د. نەغەم حەسەن ڕاگەهاند: “کارێ ل پێشیانیا مە دێ بیت بۆ ب دووماهی ئینانا کەمپێن ئاوارە و زڤڕاندنا وان ب ویستا وان، لگەل دابینکرنا قەرز و قەرەبووکرنا زیانلێکەفتیان.”
بەڵێن دا کو چاڤدێریا جڤاکی بۆ هەمی بێ پشتەڤانان (کەسێن کێم ئەندام، ژنێن بێ سەرپەرشت و بێوەژن، و زارۆیێن بێ خودان) بەرفرەهـ بکەت. هەروەسا، چارەسەرکرنا ئاریشا ئاکنجیبوونێ و تاپوکرنا ئەردێن گوندان و ئەردێ دەستەسەرکری (تجاوز) ب یاسایەکا دادپەروەرانە دکەت، لگەل پشکداریکرنا کورێن دەڤەرێ د هێزێن ئەمنی دا بۆ بهێزکرنا سەقامگیریێ و هاندانا وەبەرهێنانا ناڤخۆ و دەرڤە.”
لدووماهیا پەیاماخودا گۆت، بۆ ب دووماهی ئینانا ریشەیی ب گەندەلیا دارایی و کارگێڕی،بۆ پشتەڤانییا بێ مەرج و گشتگیر ژ جووتیاران و ساخکرنا کەرتێ کشتوکالێ،بۆ گەهاندنا خزمەتگوزاریێن ساخلەمیێ یێن گونجای بۆ هەمی دەڤەر و گوندان،و بۆ دابینکرنا دەلیڤەیێن کار و دامەزراندنێ بۆ گەنجێن مە یێن دەرچووی ل سەر بنەمایێ شیان و دادپەروەریێ،
دەنگێ خوە بدەنە پڕۆژێ ڕاستەقینە یێ ئاڤاکرنێ و قەرەبووکرنێ، لیستا 275 یا پارتی دیموکراتی کوردستان، و بەربژێرا ژمارە 47 هەلبژێرە.