شاندێکی هاوپەیمانیی نێودەوڵەتی بە ئامانجی چاودێریکردن و هەڵسەنگاندنی دۆخی خزمەتگوزارییەکانی سەردانی وێستگەی ئاوی عەلووکیان لە گوندەکانی سەرێ کانیێ لە ڕۆژئاوای کوردستان کرد،.
ڕوانگەی سووریا بۆ مافەکانی مرۆڤ بڵاوی کردەوە شاندەکە، لە چەند ئۆتۆمبێلێک پێکهاتبوو و لە بنکەی هاوپەیمانان لە تل بەیدەرەوە بەرەو وێستگەکە بەڕێکەوتووە.
شایەنی باسە، لە تشرینی یەکەمی ٢٠١٩ـەوە تورکیا کۆنترۆڵی وێستگەی ئاوی عەلووکی گرتووەتە دەست. ئەم وێستگەیە جگە لە شاری حەسەکە، ئاو بۆ سێ کەمپی ئاوارەکانی دەوروبەری شارەکە دابین دەکات. بەهۆی بڕینی ئاوەکەوە، زیاتر لە یەک ملیۆن کەس لە حەسەکە و دەوروبەری لە ئاو بێبەش بوون.