لە کاتێکدا شەپۆلی زیرەکیی دەستکرد (AI) هەڕەشە لە زۆربەی پیشەسازییەکان دەکات، جەیمس کامیرۆن، دەرهێنەری ئەفسانەیی سینەما، هێڵێکی سووری بۆ بەرهەمە نوێیەکەی کێشا.
بەر لە نمایشکردنی بەشی نوێی زنجیرە فیلمی (Avatar: Fire and Ash)، کامیرۆن بە دەنگێکی بەرز رایگەیاند، فیلمەکەی پشت بە ئەدای راستەقینەی مرۆڤ دەبەستێت و هیچ دیمەنێکی بە زیرەکیی دەستکرد دروست نەکراوە.
کامیرۆن لە لێدوانێکی تێروتەسەلدا بۆ ماڵپەڕی (ComicBook) گوتی: “ئێمە رێز لە هونەری نواندن و داهێنانی ئەکتەرەکانمان دەگرین. ئێمە نامانەوێت جێگەیان بگرینەوە یان کورتکراوەیەک بۆ کارەکانیان دابنێین”.
جەختیشی کردەوە، فیلمەکانی ئاڤاتار سەر بە قوتابخانەیەکەی سینەمان کە “ڕۆح و هەستی مرۆڤ” تێیدا سەنتەرە، نەک شیکارییەکانی کۆمپیوتەر.
هاوکات زۆی سالدانا، ئەستێرەی سەرەکی فیلمەکە کە ڕۆڵی “نیتەیری” دەبینێت، باسی لەو ماندووبوونە جەستەییە کرد کە ئەکتەرەکان بینیویانە.