چاودێرانی سیاسی ئاماژه بۆ ئەوە دهكەن كه تا ئەم چركەساتە، حكوومەتی فیدرالیی عێراق هیچ هاوكارییەكی پێشكەش بە خەڵكی لێقەوماوی چەمچەماڵ نەكردووە، لە كاتێكدا ملیارەها دۆلار لە بودجەی گشتیی عێراق بە ناوی خەرجیی حاكیمەوە ساڵانە خەرج دەكرێت كە بەشێكی ئەم خەرجییە بریتییە لە قەرەبووكردنەوەی زیانلێكەوتوانی كارەساتە سروشتییەكان.
پاش ئەو لافاوەی لە شاری چەمچەماڵ و ناحیەكانی شۆڕش و بازیان هەڵسا و بەهۆیەوە هەزاران ماڵ زەرەرمەند بوون، رۆژی ١٠ی ١٢ی ٢٠٢٥، محەمەد شیاع سوودانی، سەرۆك وەزیرانی عێراق، سەنتەری نیشتمانی بۆ ئیدارەدانی قەیرانەكان و كارەساتەكانی لە وەزارەتی ناوخۆی عێراق راسپارد تاوەكوو پاڵپشتیی دارایی پێشكەش بكەن، ئەویش لە ڕێگەی تەرخانكردنی بڕێك پارە بۆ دابینكردنی پێویستییەكانی بەهاناوەچوونی لێقەوماوانی ئەو لافاوە.