تەنیا لە ماوەی چوار ڕۆژدا، ٣٨ هاووڵاتیی سڤیل بەهۆی تەقینەوەی پاشماوەکانی جەنگ لە سووریا بوونەتە قوربانی.
ڕوانگەی سووری بۆ مافەکانی مرۆڤ بڵاوی کردووەتەوە، گیانلەدەستدانی هاووڵاتییانی سڤیل بەهۆی تەقینەوەی مین و پاشماوەکانی جەنگ لە سووریا بەردەوامە؛ تەنیا لە چوار ڕۆژی ڕابردوودا، ٢٣ هاووڵاتی لە ناوچەکانی ژێر دەسەڵاتی حکوومەت گیانیان لەدەست داوە، کە سێ ژنیان تێدایە.
بەپێی بەڵگەنامەکانی ڕوانگەکە، جگە لەوانەی گیانیان لەدەست داوە، ١٥ کەسی دیکەش بریندار بوون، کە زۆربەیان خەڵکی مەنبج و دەوروبەری بوون.