دەروازەی حاجی ئۆمەران دوای داخرانی بۆ ماوەی ١٥ رۆژ، ئەمڕۆ یەکشەممە بەڕووی گەشتیاران و بازرگانان کرایەوە.
بەهۆی هێرشی ئاسمانیی ئیسرائیل و ئەمریکا بۆ سەر کۆماری ئیسلامیی ئێران لە 28ـی مانگی شوبات و دروستبوونی گرژی لەناوچەکە، دەروازە سنووییەکانی هەرێمی کوردستان لەگەڵ ئێران داخران.
سیروان حوسێن، وتەبێژی دەروازەی نێودەوڵەتیی حاجی ئۆمەران، بە ئاژانسی ھەواڵی زاگرۆسی ڕاگەیاند: دوای دوو هەفتە لە داخرانی، بەیانیی ئەمڕۆ یەکشەممە 15-3-2026 دەروازەکە بەڕووی گەشتیاران و بازرگانان کرایەوە.
هەروەها سیروان حوسێن، وتەبێژی دەروازەی نێودەوڵەتیی حاجی ئۆمەران ئەوەشی بۆ ئاژانسی ھەواڵی زاگرۆس خستەروو، کە کارکردن لە دەروازەکە لە سەرجەم سێکتەرەکان ئاسایی بووەتەوە.
رێباز یونس