کتێبی “ئاوڕدانەوەیەک لە ڕۆژئاوا و ڕۆژھەڵاتناسی” لێکۆڵینەوەیەکی مێژوویی و فیکرییە، تیشک دەخاتە سەر چەمکی “ڕۆژهەڵاتناسی” و شێوازی تێڕوانینی زانا و گەڕیدە ڕۆژئاواییەکان بۆ وڵاتانی ڕۆژهەڵات.
کتێبەکە تەنیا لایەنێکی زانستی نییە، بەڵکو هەوڵێکە بۆ تێگەیشتن لەو ڕەهەندە سیاسی و کولتوورییە قووڵانەی لە پشت گێڕانەوەکانی ڕۆژهەڵاتناسییەوە هەن.
نووسەری کتێبەکە ئەمجەد شاکەلییە کە بە دیدێکی ڕەخنەگرانە باس لەو وێنا چەوتانە دەکات، زۆرجار ڕۆژئاواییەکان بۆ شارستانییەتەکانی ڕۆژهەڵاتیان دروست کردووە.
بەشێکی گرنگی ئەم لێکۆڵینەوەیە تەرخان کراوە بۆ پێگەی کورد لەناو گێڕانەوە و لێکۆڵینەوە ڕۆژهەڵاتناسییەکاندا.
ئاماژە بۆ ئەوەش دەکات، کورد وەک بەشێکی ڕەسەن لە ڕۆژهەڵات پێویستی بەوەیە تێبگات چۆن لە لایەن ئەوانی دیکەوە وێنا کراوە.
خوێنەر دەتوانێت بەردەوام سوود لەم سەرچاوەیە وەربگرێت بۆ تێگەیشتن لە هزری مۆدێرن و پەیوەندییە کولتوورییە نێودەوڵەتییەکان.
ئەم کتێبە ئێستا لە ناوەندەکانی فرۆشتنی کتێب لە کوردستان بەردەستە.