تۆڕی کۆمەڵایەتی تیکتۆک بە فەرمی دەستی کرد بە تاقیکردنەوەی خزمەتگوزارییەکی نوێ بۆ بەکارهێنەرانی لە وڵاتی بەریتانیا کە تێیدا بەکارهێنەران دەتوانن بەرامبەر بڕە پارەیەکی دیاریکراوی مانگانە لە بینینی ریکلامە بێزارکەرەکان ڕزگاریان ببێت ئەم هەنگاوە دوای ئەوە دێت کە پلاتفۆرمەکە دەیەوێت سەرچاوەکانی داهاتی خۆی زیاتر بکات و هاوشێوەی یوتیوب و پلاتفۆرمە جیهانییەکانی دیکە بژاردەی پریمیۆم بخاتە بەردەست بەکارهێنەرانی
بە پێی زانیارییەکانی وێبسایتی تێک کرەنچ نرخی بەشداریکردن لەم پلانە نوێیەدا مانگانە ١١.٩٩ پاوەندی بەریتانی دەبێت و ئەو کەسانەی ئەم خزمەتگوزارییە چالاک دەکەن هیچ جۆرە ریکلامێکی کۆمپانیاکان لە نێوان ڤیدیۆکانیاندا نابینن بەڵام جەخت لەوە کراوەتەوە کە ئەم بژاردەیە کاریگەری لەسەر ئەو ڤیدیۆیانە نابێت کە دروستکەرانی ناوەڕۆک خۆیان بە شێوەی سپۆنسەر و ڕێککەوتنی تایبەت بڵاوی دەکەنەوە
شارەزایانی تەکنەلۆژیا ئاماژە بەوە دەکەن کە تیکتۆک لە ڕێگەی ئەم تاقیکردنەوەیەوە دەیەوێت بزانێت تا چەند بەکارهێنەران ئامادەن پارە بدەن بۆ ئەزموونێکی بێ ریکلام لە ناو ئەپەکەدا و چاوەڕوان دەکرێت لە ئەگەری سەرکەوتنی ئەم پرۆسەیە لە بەریتانیا لە داهاتوویەکی نزیکدا خزمەتگوزارییەکە بۆ وڵاتانی دیکەی جیهانیش بگوازرێتەوە ئامانجی سەرەکی ئەم پلانەش کێبڕکێیەکی بەهێزترە لەگەڵ خزمەتگوزاری یوتیوب پریمیۆم کە ساڵانێکی زۆرە بە هەمان شێواز کار دەکات