فیلمی “Michael” کە باس لە ژیانی مایکل جاکسن دەکات، هەنگاوێکی گەورەی ناوە بۆ گەیشتن بە یەکەم ملیار دۆلار لە داهاتی بۆکس ئۆفیس.
ئەم سەرکەوتنە گەورەیە کۆمپانیای “Lionsgate” دەخاتە ناو یانەی ملیار دۆلارییەکانەوە. فیلمەکە لەوەتەی لە 24ی نیسانەوە نمایشکراوە، توانیویەتی بڕی 800 ملیۆن دۆلار کۆبکاتەوە. لەو بڕوایەدام، ئەم فیلمە دەبێتە یەکێک لە پڕداهاتترین فیلمە بایۆگرافییە میوزیکالییەکان لە مێژوودا.
تێچووی بەرهەمهێنانی فیلمەکە گەیشتە نزیکەی 200 ملیۆن دۆلار، ئەمەش دوای ئەوەی گۆڕانکاریی زۆر لە بەشی سێیەمی فیلمەکەدا کرا. میراتی مایکل جاکسن و کۆمپانیاکانی بەرهەمهێنان پێکەوە ئەم تێچووەیان گرتە ئەستۆ.
فیلمی “Michael“ لە دەرهێنانی ئەنتوان فۆکوا کێشراوە و جەعفەر جاکسن ڕۆڵی سەرەکی تێدا دەبینێت. چیرۆکەکە باس لە سەرەتای دەرکەوتنی مایکل جاکسن لەگەڵ گرووپی “Jackson Five” دەکات تا دەگاتە لووتکەی ناوبانگ.