ڤینیسیۆس جۆنیۆری ئەستێرەی دیاری هێڵی هێرشبەری یانەی ڕیاڵ مەدرید و هەڵبژاردەی بەڕازیل لە لێدوانێکیدا ستایشی پێگە و کاریگەریی نێیمار دا سیلڤای هاونیشتیمانی دەکات و ڕێزێکی بێپایان بۆ مێژوو و ناوی ئەو یاریزانە دەردەبڕێت.
ئەو ئەستێرە لاوەی سامبا لە لێدوانەکەیدا ئاماژەی بە دۆخی درێسی ژمارە 10ی هەڵبژاردەکەی کرد و ڕایگەیاند کە هێشتا بە تەواوی نازانێت ژمارەی درێسی خۆی بۆ داهاتوو دەبێتە چەند بەڵام ئەوەی 100% یەکلایی بووەتەوە و دەبێت هەر بەو شێوازەش بمێنێتەوە ئەوەیە کە درێسی ژمارە 1 تەنیا بۆ نێیمارە.
ئەم هەڵوێستەی ڤینیسیۆس جۆنیۆر بە ڕوونی مانا و گەورەیی نێیمار لەناو ڕوح و دڵی نەوەی نوێی تۆپی پێی بەڕازیلدا نیشان دەدات کە چۆن تەنانەت یاریزانێکی ئاستبەرزی وەک ڤینیش کە پاڵێوراوی سەرەکییە بۆ خەڵاتە تاکەکەسییە جیهانییەکان هێشتا نێیمار وەک پێشەنگ و هێمای یەکەمی وڵاتەکەی دەبینێت.
لێدوانەکەی ڤینیسیۆس دەنگدانەوەی بەربڵاوی لە میدیا وەرزشییە جیهانییەکاندا دروست کردووە و وەک بەڵگەیەک بۆ یەکڕیزی و ڕێزگرتنی نێوان ئەستێرەکانی سامبا سەیر دەکرێت کە تێیدا نەوەی نوێ سەرەڕای درەوشانەوەی خۆیان ئامادە نین دەستبەرداری پێگەی مێژوویی سەرکردە کۆنەکەیان ببن.