لەسەروبەندی نزیک بوونەوە مۆندیالی 2026،کە لە مەکسیک و ئەمریکا و کەنەدا بەڕێوەدەچێت لەگەڵ بەکارهێنانی نوێترین تەکنەلۆجیاکان بۆ برەودانی زیاتر بە شێوازی یاریەکان و بەرەوپێش بردنی تۆپی پێ کۆمەڵێک مشتومڕ دروست بوونە لەبەردەم مۆندیالەکە لەنوێترینیان تۆپەکەی مۆندیالە،کە بەهۆی شێوەی و جیاوازیەوە دەبێتە کێشەیەکی دیکە بۆ یاریزانان.
لەنوێترین ئەو مشتومڕانە لامین یەماڵی ئەستێرەی هەڵبژاردەی ئیسپانیا ڕەخنەی توند ئاڕاستەی شێوازی تۆپەکە دەکات بەهۆی ئەوەی چەندین جار تاقیکردۆتەوە و هەستی پێکردوە کێشەی تێدایە،ئەمەش بەهۆی ئەو هەستەوەر و تەکنەلۆجیایەی لەناو تۆپەکەدا هەیە بۆ جیا کردنەوەی حاڵەتەکان و یارمەتیدانی بڕیارەکانی ناوبژیوان وەکو حاڵەتی ئۆفساید و فاوڵ و گۆڵ.
بەگوێرەی قسەی زانا فیزیکیەکان بێت لەتۆپێکی ئاسایی دەبێت 20 گۆشە بوونیان هەبێت،بەڵام ئەم تۆپە تەنها چوار گۆشەی تێدایە،ئەمەش وادەکات کەمتر تۆپەکە بسووڕێت و لەناکاویش ئاڕاستەی بگۆڕێت،هاوشێوەی ئەو تۆپەی لەمۆندیالی 2010ی ئەفریقا بەکار هات،کە شێوازێکی نوێی تۆپی پێ و لێدانی شووتی بەهێزی بەخشیە تۆپی پێ،لەهەمووشی سەیرتر پێش یاریەکان دەبێت تۆپەکان شەحن بکرێنەوە بەهۆی ئەو تەکنەلۆجیایەی ناویان.
“سەرکار ڕێبوار”