لە کاتی گەیشتنی شاندی هەڵبژاردەی عێراق بۆ مۆندیالی ئەمریکا، ئەیمەن حوسێنی هێرشبەری هەڵبژاردەکە تووشی ئاستەنگ بوو.
ناوبراو بۆ ماوەی چوار کاتژمێر لە فڕۆکەخانە ڕاگیرا و لێکۆڵینەوەی لەگەڵ کرا، پاشان ڕێگەی پێدرا فڕۆکەخانە بەجێبهێڵێت و پەیوەندی بە یاریزانانی دیکەی تیپەکەیەوە بکات لە هۆتێل.
ئەمە لەکاتێکدایە تەڵاڵ سەڵاح، وێنەگری هەڵبژاردەکە، دوای 13 کاتژمێر دەستبەسەرکردن بە بڕیاری دەسەڵاتدارانی ئەمریکا دیپۆرتی عێراق کرایەوە.