وەزارەتی کارەبا رایگەیاند، خزمەتگوزاریی پارەدان بۆ ماوەیەکی کاتی دەوەستێت بەهۆی پەرەپێدانی سیستەمەکانی کارەبا
سێشەممە 9ـی حوزەیرانی 2026، وەزارەتی کارەبای حکوومەتی هەرێمی کوردستان، راگەیەندراوێکی بڵاو کردووەتەوە، خزمەتگوزاری پارەدان لە سەکۆی ئی-پسوولەی حکوومەتی هەرێمی کوردستان و بنکەکانی فرۆشیاریی وزە بەهۆی پڕۆسەی پەرەپێدانی سیستەمەکانی وەزارەتی کارەبا لە رۆژی پێنجشەممە هاوتا لەگەڵ 11ـی مانگی شەش کاتژمێر 2:00ـی پاش نیوەڕۆ رادەوەستێت و تاوەکو رۆژی دووشەممە، 15ـی مانگی شەش بەردەوام دەبێت.
لە راگەیەندراوەکەدا هاتووە، هەر پارەدانێک ئەنجامدرابێت پێش وەستانی خزمەتگوزارییەکە لە 11ی 6 کاتژمێر 2:00ـی نیوەڕۆ یاخود دوای 15ـی 6 سەرکەوتووانە تۆماردەکرێت، ئەگەر لە رێگەی سەکۆی ئی-پسوولە یان بنکەکانی فرۆشیاری وزە بێت.
ئەم راوەستانە کاتییە لە خزمەتگوزاری پارەدان بەهۆی پەرەپێدانی سیستەمەکانی وەزارەتی کارەبا روودەدات. ئەمەش بۆ باشترکردنی ئەزموونی بەکارهێنەرانە لە تەواوی کوردستان، لە ناویاندا ناوچە دوورەدەستەکان.