دەسپێکرنا پێڤاژویا ئاشتیێ ل تورکیا د ئەڤێ قوناغێ دا ل گورەی خاندنا من دێ روبە روی چەندین زەحمەتی و ئاستەنگان بیت ژبەر ئەڤان هوکاران :
1-عەقلیەتا تاکێ تورک عەقلیەتەکا نەتەوەپەرستا رادیکاڵە، ئانکۆ هێشتا نە گەهشتیە قوناغا ئێک دوو قەبیل کرنێ لەوا ژی گەلەک یاب زەحمەتە ژبلی خۆ ئەو نەتەوە و مللەتێن ل ل بەرامبەری خۆ قەبیل بکەن,نەخاسمە ئەگەر بابەت یێ گرێدای نەتەوا کوردا بیت ئەو نەتەوەیێ کۆ تورک بەردەوام ب چاڤەکێ مەترسی ژبۆ سەر ئاسایشا خۆ یا نەتەوەی تەماشە دکەنێ.
2-مادەم جڤاکێ تورکی جڤاکەکێ رادیکاڵە و پتریا رایا گشتی خودان هزرەکا نەتەوەپەرستن،لەوا ژی جێبەجێکرنا ئەڤی پرۆژێ پێڤاژویا ئاشتیێ دێ زەحمەتیان ژبۆ دەسهەلات داریا تورکیا و ب تایبەت ئەردوگانی درۆست کەت چونکی رایا گشتی ژبۆ هەر دەسهەلاتەکێ گەلەک یا گرنگە و نەخاسمە ئێکێ وەکی ئەردوگان کۆ حەزا دووبارە هەلبژارتنا خۆ ژبۆ سەروکاتیا تورکیا هەیە، راستە کۆ کەسەکێ وەکو دەوڵەت باخچەلی یێ نەتەوەپەرستێ رادیکاڵ یێ کو د هەمی وێزگەهاندا ل دژی کورد و پرسا کوردی بویە و هەمی دەما گوتیە کۆ پێتڤیە پرسا کوردی ب هێز وئاسنی چارەسەرببیت نەک ئاشتیێ و هەتا ریفرانوداما هەرێما کوردستانێ ل باشور ژی گوتی ریفراندۆم ل دژی تورکیا و تورکومانا یە و ئەم نە د گەلین و دێ ل دژی راوستین،دنوکەدا یێ داخازا پێڤاژویا ئاشتیێ دکەت لبەرامبەر پرسا کوردی ب رێکێن ئاشتیانە لەوا ژی ئەڤ هەلویستە گومانێ لدەف کوردا درۆست دکەت ژترسا نەبرنەسەرا سوزێن خۆ پشتی چەک دانانێ.
3-دنوکەدا پەکەکە خودان پشتەڤانیەکا هەرێمی یە ژلایێ دەولاتێن دەوروبەر ڤە ژبۆ بەردەوامی بوونا وێ لەوا بریاردان لسەر چەک دانانێ دێ یاب زەحمەت بیت ژبلی ترسا وێ ئەوە ئەگەر چەک دانا ئەڤا هەی ژی نەمینیت ژلایەکێ دیڤە دەولەتێن پالپشتیا وێ ژی دکەن دێ دەستێواردانێ و مایتێکرنێ دهەلۆیستێ وێ دا کەن ل گورەی بەرژەوەندێن خۆ ،ئەڤەژی ئاستەنگەکا دی یە.
لێ دیسان ژی پێتڤیە ژ بیر نەکەن کۆ د ئەڤێ قوناغێ دا و پرۆژەکێ ب ئەڤی شێوەی ژبۆ چارەسەرکرنا پرسا کوردی ل تورکی ئەگەر جارەکێ ژبۆ تورکیا یێ گرنگ بیت دوو جاران ژبۆ کورد و پرسا کوردی یێ گرنگە،لەوا ژی عەقلێ سیاسی یێ کوردی و ب تایبەت سەرکردایەتیا پەکەکێ دئێخیتە لبەردەم بریاردانەکا هەستیار و ب هشیارانە، چونکی راستە دبیت گومان ژی ژ ئەڤی هەلۆیستێ تورکیا هەبن لێ ل گورەی دیتنا من پەکەکە دێ هەر هندەک پێنگاڤان هاڤێژیت ژبۆ جێبەجێکرنا ئەڤی پرۆژەیێ ئاشتیێ دا کۆ چ حێجەتان نەهێلیت ژ بوو ئەوان لایەنێن داخاز دکەن ئەڤ کێشە ب ئاشتیەنە چارەسەرببیت.
سەفین جودەت
بەکالۆریۆس ب زانستێن سیاسی