واژوو کردنی دوو گرێبەست بە بری زیاتر لە ١٠٠ سەد ملیار دۆلار
لە نێوان هەرێم و کۆمپانیا ئەمریکییەکان کە وەزارەتی دەرەوەی ئەمریکا پێشوازی لەو گرێبەستانە کرد واتە پشتیوانی ترەمپ و حکومەتی ئەمریکا.
ئەم گرێبەستانە مولحەقی گرێبەستی پێشووترن لەگەڵ ئەم کۆمپانیایانە بە پێی یاسای نەوت و غاز ژمارە ٢٢ ی ساڵی ٢٠٠٧ کراوە واتە ئەم گرێبەستانە نوێ نین و تەواوکارین و تەواو یاسایی و دەستورییە ، بە پرسی ئەنجومەنی باڵای نەوت و غاز کە لایەنەکانی پێکهێنەری حکومەت تێدا بەشدارن کراوە و نوێنەریان لە کاتی واژووکردنەکە ئامادەن
لە ئەساسدا عێراق تا ئێستا نەیتوانیوە یاسای نەوت و غازی موحد دەربکات تا باسی نایاسایی بکات، جارێ یاساکە دەرکەن دواتر باس لە برگەی نایاسایی بکەن.
ئەم گرێبەستە بۆ هەرێم و عێراق هەردوو لێی سودمەندی گەورە دەبن لە رووی بەرهەمهێنانی کارەباو غازی ماڵان و ژێرخانێکی ئابووری پتەو دروست دەکات.
سەردانی سەرۆک وەزیرانی هەرێم بۆ ئەمریکا لە رۆژانی داهاتوو لە ئاستی زۆر باڵای حکومەتی ئەمریکا وتووێژ لەسەر پرسی پرۆسەی ئاشتی و وزە و دیپلۆماسییەت و وەبەرهێنان و بازرگانی و پەیوەندییە نێودەوڵەتییەکان و سیاسی و ئەمنی دەکرێت لەسەر ئاستی عێراق و هەرێمی کوردستان و ناوچەکە.
بە دڵنیاییەوە کاک مەسرور سەرکردەیەکی دونیابین و دووربینەو هەنگاوەکانی بۆ ئێستا و داهاتوویەکی دوورە کە زۆر پرشنگدار دەبێت بۆ گەلی کورد و هەرێمەکەمان و دەرئەنجامەکانی دەبینن…
رێباز حەملان