هونەرمەند دەشتی کەلهوڕی بەرهەمهێنانی سروودێکی نیشتمانی تایبەت بە دشاری خانەقینی باکووری کوردستان راگەیاند.
دەشتی کەلهوڕی بە میدیاکانی راگەیاند: سروودی نوێی خانەقین بە شانازی و خۆشحاڵییەوە، مژدەی بەرهەمێکی هونەری نوێتان پێ دەدەین؛ سرودێک بۆ شارە دڵخوازەکەمان خانەقین، شارێک کە لە هەناوی مێژوو، فەرهەنگ، هونەر و خەباتدا شوێنێکی تایبەتی هەیە.
هەروەها ئاماژە بۆ ئەوە دەکات: ئەم سرودە تەنیا گۆرانییەک نییە؛ دەنگی دڵی خانەقینە، وێنەی جوانیی سروشتی، مێژووی پڕ لە شانازی، زاراوە شیرینەکەی و ناسنامەی فەرهەنگی ئەم شارەیە. ئامانجمان ئەوەیە ئەم بەرهەمە ببێتە مایەی شانازی هەموو خانەقینییەکان و وێردی سەر زمانی گەورە و بچووک.
روونیشی کردەوە: دانانی ئاواز، موزیک و سەرپەرشتی ئەم بەرهەمە لە ئەستۆی خۆی بووە، وشە جوان و هەستبزوێنەکانی بە هاوکاری و هەوڵی کنعان حسين نووسراون، ئەم کارەش بە داواکاری کۆمەڵێک لە ڕۆشنبیری خانەقین دەستی پێ کراوە، بە هیوای ئەوەی ببێتە دیارییەکی هونەری بۆ شارەکەمان.
هەروەها بانگهێشتێکی دڵسۆزانە ئاراستەی کاربەدەستان، سەرمایەداران و هەموو دڵسۆزانی خانەقین دەکات کە دەستی هاوکاری بۆ ئەم پڕۆژە نیشتمانییە درێژ بکەن، تاکو بتوانن کلیپێکی شایستە و لە ئاستی ناوی خانەقین بەرهەم بهێنین؛ کلیپێک کە شایستەی مێژوو، جوانی و شکۆی ئەم شارە بێت.