بەرهەمی شانۆیی “أنا.. أنا” یاخود “من..من” لە نووسین و دەرهێنانی شانۆکار عەواتف نەعیمە لە هۆڵی شانۆی ڕەشید لە بەغذا نمایشکرا.
نمایشەکە خوێندنەوەیەکی بینراو و شانۆیی قووڵە و لە جیهانی چیرۆکی بەناوبانگی شا لیر وەرگیراوە. شانۆگەرییەکە لە چوارچێوەیەکی مرۆڤایەتی و هزریدایە و تیشک دەخاتە سەر بابەتی مرۆڤ و دەسەڵات و بیرەوەری و پەیوەندییە مرۆییەکان. ئەم کارە بە تێڕوانینێکی شانۆیی تایبەت کە ڕوخسارێکی هێماداری هەبوو، توانرا ئاڕاستەی بینەران بکرێت.
ئەم کارە شانۆییە لەسەر تەختی شانۆ لە ڕۆڵگێڕانی سەرەکی هونەرمەندان عەزیز خەییون، ئایار عەزیز و لەمار محەممەد بوو. سەرەڕای ئەکتەرە سەرەکییەکان، تیمی تەکنیکی و یاریدەدەرانی کارەکە بەشدارییەکی بەرچاو و داهێنەرانەیان لە دروستکردنی کەشوهەوای نمایشەکەدا کرد.
شانۆگەرییەکە ئامادەبوونی بەرچاوی ڕەخنەگران و لایەنگرانی هونەری بەخۆیەوە بینی و دەستخۆشی لە هەوڵی تیمی کارەکە کرا کە ئاستێکی بەرز لە ناوەڕۆکی مرۆیی و هونەرییان پێشکەش کرد.
ئەم نمایشە لە ئەنجامی هاوکاریی هاوبەشی نێوان فەرمانگەی سینەما و شانۆ لە وەزارەتی ڕۆشنبیری و گەشتوگوزار و شوێنەوار لەگەڵ پەیمانگەی شانۆیی بەغداد هاتووەتە بەرهەم.