رۆژی یەکشەممە، لە سلێمانی ڕێوڕەسمی حەوتەمین خەڵاتی کارۆ بەڕێوەچوو.
رێوڕەسمەکە بە ئامادەبوونی هەڤاڵ ئەبوبەکر، پارێزگاری سلێمانی و دەلیل جەمال، نوێنەری وەزیری ڕۆشنبیری و لاوانی حکومەتی هەرێمی کوردستان و ژمارەیەک کەسایەتی، بەڕێوەچوو.
دەلیل جەمال، ڕاوێژکاری وەزارەت بە نوێنەرایەتی وەزیری ڕۆشنبیری و لاوان وتاری وەزارەتی پێشکەش کرد و تێیدا باسی لە ڕۆڵ و گرنگی کار و بەرهەمەکانی ناوەندی کارۆ کرد، لە خزمەتکردنی کایەی ڕۆشنبیری و دەوڵەمەندکردنی کتێبخانەی کوردی.
هەروەها پشتیوانی وەزارەتی بۆ سەرخستنی پڕۆژە ڕۆشنبیرییەکانی ناوەندەکە دووپاتکردەوە و پیرۆزبایی لە براوەی ئەمساڵی خەڵاتەکە کرد.
لە بەشێکی دیکەی ڕێوڕەسمەکەدا چەپکەگوڵی پیرۆزبایی وەزیری ڕۆشنبیری و لاوان پێشکەش بە د. هێمن عومەر خۆشناو کرا لە پای خزمەتە بەرچاوەکانی بە بوارەکانی ڕۆشنبیری.