کۆمپانیای “وارنەر برۆس پیکچەرز” یەکەم ترایلەری فەرمی بۆ فیلمی “Remain” بڵاوکردەوە، تێیدا جێک جیلینهاڵ و فیبی داینڤۆر رۆڵ دەگێڕن، وەکو ئامادەکارییەک بۆ نمایشکردنی لە سینەماکاندا هاوکات لەگەڵ ڕۆژی خۆشەویستی لە ساڵی 2027.
فیلمەکە هاوکارییەکی سینەمایییە لەنێوان دەرهێنەر ئیم نایت شیامالان و ڕۆماننووس نیکۆلاس سپارکس، بەپێی چیرۆکێک کە هەردووکیان ئامادەیان کردووە، لەکاتێکدا شیامالان ئەرکی نووسینی سیناریۆ و دەرهێنانی لەئەستۆ گرتووە لە بەرهەمێکدا کە ڕومانسییەت و نادیاری و جۆش و خڕۆشی سەروو سروشت تێکەڵ دەکات.
ڕووداوەکانی فیلمی “Remain” لەبارەی تێت گۆردۆن دەسوڕێنێتەوە کە ئەندازیارێکی تەلارسازی گۆشەگیرە و دەچێتە شارۆچکەیەکی بچووک بۆ تەواوکردنی دوایین پڕۆژەی، پێش ئەوەی چاوی بە کچێکی گەنجی نادیار بکەوێت بە ناوی ڕێن کە فیبی داینڤۆر ڕۆڵەکەی دەبینێت.
لەگەڵ گەشەکردنی پەیوەندی نێوان تێت و ڕێن، خۆی لە نێوەندی کۆمەڵێک راز و ڕووداوی تەمومژاویدا دەدۆزێتەوە، تا بۆی دەرکەوێت شارۆچکەکە نهێنییەکی مەترسیدار دەشارێتەوە کە ئاڕاستەی ژیانی سەرەوژێر دەکاتەوە.