ئەکتەری جیهانی مۆنیکا بێلۆچی لە 30ی ئەیلوولی 2026 تەمەنی بووە 62 ساڵ، بەڵام ئەم بۆنەیەی بە شێوازێکی جیاواز و بە دیدگایەکی نوێ بۆ تەمەن و جوانی بەسەربرد.
بێلۆچی لە لێدوانە تازەکانیدا ئاماژەی بۆ ئەوە کرد، چوونە تەمەن دیارییەکی مەزنە و ترسی لە وشەی تەمەن نییە، بەڵکو پێی باشترە بە کەرامەتەوە گەورە بێت لەوەی بکەوێتە جەنگێکی مەحاڵ لەگەڵ کاتدا.
مۆنیکا ڕوونیکردەوە، ئێستا پێویستی بە دروستکردنی مەودایەکە لە نێوان وێنەی سەر شاشە و ژیانی ڕاستەقینەی لەگەڵ کچەکانی ديڤا و ليونی.
جەختی کردەوە، ئێستا چەند رۆڵێک هەن تەنیا بەهۆی ئەزموونی ژیان و برینەکانەوە تێدەگەین، وەک ڕۆڵەکەی لە فیلمی نوێی “The Birthday Party” کە تێیدا ڕۆڵی وێنەکێشێکی گۆشەگیر دەگێڕێت.
مۆنیکا کە پێشتر لەگەڵ دەرهێنەر تیم بەرتۆن پەیوەندی هەبوو و لە 2025 جیا ببوونەوە، ڕایگەیاند ڕێز و خۆشەویستی لە نێوانیاندا دەمێنێتەوە و تەنیا ئێستا جوانی لە لای ئەو پەیوەستە بە هەبوونی ژیانێکی دەوڵەمەند.