رۆژی یەكشەممە ٤ی ١٠ی ٢٠٢٦، لە هۆڵی نێودەوڵەتیی هەولێر، كۆنفرانسی “پاراستنی كەلەپووری كوردستان، بەستنەوەی نەوەكان لە ڕێگەی تۆمار، چیرۆك و یادەوەرییەوە” لەلایەن وەزارەتی رۆشنبیری و لاوان، بە هاوكاریی دامەزراوەی (Family Search) ساز كرا.
کۆنفرانسەکە بە ئامادەبوونی د. سامان بەرزنجی، وەزیری تەندروستی و ئاریان سەڵاحەدین، بریكاری وەزارەتی رۆشنبیری و لاوان و سیروان عوسمان، بەڕێوەبەری گشتی رۆشنبیری و هونەری هەولێر و بەرپرسانی حكوومی، سەرۆكی زانكۆكان، مامۆستایانی ئایینی ئیسلام، مێژوونووسان، پسپۆرانی بواری پاراستنی كەلەپووری كولتووری، ئەكادیمیست و دەزگاكانی ڕاگەیاندن.
لە كۆنفرانسەكەدا كە دەستپێشخەری و پرۆژەكانی بواری پاراستنی بەڵگەنامەكان و بەدیجیتاڵكردنیان لە ناوچە جیاجیاكانی كوردستان بابەتی سەرەكیی كۆنفرانسەكە بوون،.
هەروەها تیشك خرایە سەر ناوەڕۆك و ئامانجی كۆنفرانسەكە و كاركردن بۆ ئەرشیفكردن و بەدیجیتاڵكردنی ئەم سامانە نەتەوەییە و پێشخستنی بە ئامرازەكانی سەردەم.