خانمە ئەکتەری بەریتانی جوودی دینش کە خاوەنی خەڵاتی ئۆسکارە وازهێنانی خۆی لە کارکردن رایگەیاند.
ئەو ئەکتەرە تەمەن 91 ساڵییە ئاماژەی بۆ ئەوە کرد، بەهۆی نەخۆشییەوە چیتر توانای کارکردنی لەبەردەم دوربین یان لەسەر تەختەی شانۆ نییە.
دینش لە چاوپێکەوتنێکدا باسی لەوە کرد، تێکچوونی باری تەندروستیی بووەتە هۆی لەدەستدانی توانای خوێندنەوە و ناسینەوەی رووخسار و ئێستا پشت بە رادیۆ دەبەستێت.
ئەم دۆخە لە 2012وە دەستی پێکرد کاتێک تووشی تێکچوونی بینین بوو و ناچار بوو دەستبەرداری لێخوورینی ئۆتۆمبێل بێت و بۆ دەقەکان پشت بە هاوڕێكانی ببەستێت تاوەکو یارمەتی بدەن.