بە ئامادەبوونی ئاریان سەلاحەدین، بریکاری وەزارەتی رۆشنبیری و لاوانی حکومەتی هەرێمی کوردستان و خەلیل عەبدوڵڵا، بەڕێوبەری گشتیی دیوان، لە شاری هەولێر، یادی رۆژنامەگەری سریانی کرایەوە.
رێوڕەسمی یادکردنەوەکە لە لایەن بەڕێوبەرایەتیی گشتیی رۆشنبیری و هونەری سریانی و یەکێتی ئەدیب و نووسەرانی سریانی، بە بۆنەی 175 ساڵەی دەرچوونی یەکەم رۆژنامەی سریانی رێکخرابوو.
لە رێوڕەسمەکەدا کە ژمارەیەکی بەرچاو لە بەرپرسانی حکومەتی و رۆشنبیرانی سریانی ئامادەبوون، چەند وتەیەک لە بارەی گرنگی و رۆڵ و پێگەی رۆژنامەگەری سریانی پێشکەش کران.
یەکەم رۆژنامەی سریانی بە ناوی “زهریری دبهرا” لە 1ی تشرینی دووەمی 1894 لە شاری ئورمیە دەرچووە.