لە شاری كۆیە، گرووپی رەسەن، کۆنسێرتێکی بۆ هۆگرانی میوزیک و گۆرانی کوردی سازکرد.
بە ئامادەبوونی ئاریان سەڵاحەدین، بریكاری وەزارەتی رۆشنبیری و لاوانی حکومەتی هەرێمی کوردستان و فەرهەنگ غەفوور، بەڕێوەبەری گشنتی رۆشنبیری و هونەری هەولێر و ژمارەیەكی بەرچاو لە هونەرمەندان و ئەدیبان و رۆشنبیران کۆنسێرتەکە سازکرا.
کۆنسێرتەکە بە درووشمی “هونەر بەر لە هەموو شتێك دەبێت بۆ نەتەوە بێت” سازکرا و چەند بەرهەمێک پێشکەشکران.
کۆنسێرتەکە بە بەشداری گرووپی موزیكی رەسەن و ژمارەیەك هونەرمەندی گۆرانیبێژ بەڕێوەچوو.
فەرهەنگ غەفوور، بە نوێنەرایەتی پارێزگای هەولێر و وەك بەڕێوەبەرایەتی گشتی رۆشنبیری و هونەری هەولێر، چەپكێ گوڵی پێشكەش بە سەرۆكی تیپی هونەری رەسەن كرد و هیوای بەردەوامیی بۆ خواستن.