پشیبینی دەکرا خانمە ئەکتەری ئەمریکی، ئەنجلینا جۆلی ئەمساڵ بەربژێری خەڵاتی ئۆسکاری باشترین ئەکتەری سەرەکی ژن بێت، بەڵام ناوی لە لیستەکەدا نەبوو و ئەویش ئەو بابەتەی پشتگوێ خستووە.
هەوادارانی ئەو ئەکتەرە بەوە دڵتەنگ بوون و لەو بڕوایەدا بوون جۆلی دڵتەنگە، بەڵام هەر دوای ئەوە لەگەڵ کوڕەکەی دەرکەوت و زەردەخەنە لەسەر لێوی بوو.
بەشداری ئەو ئەکتەرە لە فیلمی “ماریا” قسە و باسی زۆری بەدوای خۆیدا هێنا، بەڵام پێدەچێت چانسی ئەوەی نەبێت خەڵات بباتەوە و لە ریوڕەسمی دابەشکردنی خەڵاتەکانی گۆڵدن گڵۆبیش خەڵاتی بەدەست نەهێنا.